Pontebirra desembarca en Pontevedra con noventa tipos de cervexa artesá
Por Manu Otero
A Alameda de Pontevedra será, a partir deste xoves, o centro neurálxico do mundo da cervexa artesanal en Galicia. A primeira edición do festival Pontebirra reunirá na cidade do Lérez a trece produtores chegados de diversos puntos da provincia, tamén de Madrid e Ponferrada; que ofrecerán aos clientes unha variedade de noventa tipos de cervexa.
"A cervexa artesá está moi de moda, en Galicia temos máis de cincuenta marcas. Este non é un festival para facer moita inxesta, é máis de catar", explicou Esteban Loureiro, o presidente do comité organizador do evento que foi presentado este martes na Praza de España.
"Ademais de promocionar empresas que producen de forma artesá, haberá foodtrucks e talleres infantís", engadiu a concelleira de Promoción Económica, Yoya Blanco.
Entre o xoves, a partir das 18 horas; e o domingo, ata as 23 horas, estarán abertos ao público os trece postos de venda deste tipo de bebidas. "Os prezos son populares", asegura Loureiro, e moveranse entre os 2 e os 3 euros en función do tipo de cervexa.
Os ingredientes destas bebidas son variados. Hainas de castaña, de licor café, con auga de mar, de 12 graos de alcol ou louras lixeiras, explican os organizadores. Ademais haberá concertos de música en directo todos os días.
Relacionadas:
-
A cervexa artesá degústase na Ferrería
Por Manu Otero |
-
Máis de 2.500 'conquistados' por Pontebirra, que xa pensa nunha segunda edición
Por Redacción |
-
Brinde con cervexa artesá no inicio do magosto pontevedrés
Por Manu Otero & Cristina Saiz |
-
O polígono industrial de Racelo medra coa instalación dunha fábrica de cervexa artesanal
Por Redacción |
-
Os pontevedreses, unidos pola súa paixón pola cervexa artesá
Por Redacción & Diego Torrado |
-
Comeza a tempada gastronómica na Boa Vila coa xuntanza dos máis cerveceiros
Por Oskar Viéitez & Mónica Patxot |
-
Ambiente cervexeiro de excepción en Pontevedra coa segunda Pontus Lupulus
Por Redacción & Mónica Patxot |
-
A feira da cervexa 'Pontus Lupulus' superou os 2.500 litros en vendas
Por Redacción |