Condenada a estar 10 días localizada de forma permanente na casa por furtar unha cazadora en Berska
Por Natalia Puga
O Xulgado de Instrución número 1 de Pontevedra condenou unha muller detida o decembro pasado por furtar unha cazadora da tenda Berska da rúa Benito Corbal. Debe cumprir unha pena de dez días de localización permanente e aboar á tenda do grupo Inditex o prezo da peza substraída.
A sentenza considera probado que sobre as 19.00 horas do 22 de decembro esta muller entrou na tenda de Berska en Benito Corbal, colleu unha cazadora e, con intención de apropiarse dela, abandonou o establecemento sen aboar o seu prezo.
Xa no exterior da tenda, procedeu a arrincar da peza os dispositivos de alarma, causando danos nesta, que estaba á venda por 59,99 euros. Posteriormente, foi identificada pola Policía Nacional como autora dunha falta de furto.
Por estes feitos chegou a xuízo en febreiro e o xuíz condenouna, pero a muller decidiu recorrer a sentenza alegando que se cometera un erro á hora de valorar as probas. O caso chegou á Seción Segunda de la Audiencia Provincial de Pontevedra e a maxistrada considerou que é proba abondo o testemuño dunha das traballadores da tenda que observou como a agora condenada se levou a peza.
A empregada recoñeceuna no xuízo celebrado na Parda sen xénero de dúbidas e, ademais, xa a coñecía de antes por outros feitos similares no comercio no que traballa.
A Audiencia coasinou a condena, se ben modificou a resolución inicial do Xulgado de Instrución de que os 10 días de localización permanente se cumprisen no centro penitenciario máis próximo ao domicilio da condenada. Segundo a nova sentenza, eses 10 días deberá estar o seu domicilio.