Rafa Domínguez, en Oviedo: "Hai alternativas para ter unha cidade máis limpa"
Por Redacción
Ata Oviedo desprazáronse Rafa Domínguez e outros tres concelleiros do PP para analizar como é o sistema de recollida de lixo e limpeza viaria da cidade que, segundo a Organización de Consumidores e Usuario (OCU) é a cidade máis limpa de España.
"Comprobamos como hai alternativas para ter unha cidade máis limpa", explicou Domínguez que, acompañado polos edís Silvia Junco, Guille Juncal e Pablo Fernández, comprobou in situ como funciona un modelo que considera "exportable" a Pontevedra.
O Partido Popular tomará como base este sistema para tratar de implementalo en Pontevedra o máis axiña posible. "É un modelo recoñecido e con ampla aceptación social", apunta o líder popular, que lembra máis do 90% da sociedade ovetense recicla e móstrase "moi satisfeita" coa limpeza da súa cidade
Nas súas últimas horas en Oviedo os representantes do PP pontevedrés supervisaron, xunto ao edil Gerardo Antuña, responsable deste servizo, o dispositivo especial de limpeza despregado con motivo das festas de San Mateo.
Ademais, comprobaron como é a recollida de lixo porta por porta, a separación por clases destes residuos nun dos camións de recolección ou as técnicas de baldeado e limpeza de viais cos vehículos que se utilizan en Oviedo.
Tras esta experiencia, Rafa Domínguez cre que existe "necesidade urxente" de incrementar en Pontevedra, entre outros, a frecuencia na recollida de lixo e en zonas especialmente sensibles, diferenciando as clases de lixo con cubos de diferentes cores. Ademais, esperan que os camións de lixo non realicen o seu traballo durante as horas do día.
A visita do PP a Oviedo incluíu tamén, entre outras actividades, un encontro co alcalde da localidade, Alfredo Canteli, e unha reunión de traballo cos responsables do servizo de recollida de lixo.
"Dá gusto ver como está de limpo Oviedo cun sistema que é a metade de caro que o de Pontevedra", concluíu Rafa Domínguez.
Relacionadas:
-
Rafa Domínguez reclama "menos composteiros comunitarios en pleno centro e máis limpeza"
Por Redacción |
-
O PP crea unha comisión para vixilar e controlar os contratos que faga o Concello
Por Redacción |
-
Mosquera afirma no pleno que intentará que a recollida de lixo sexa excelente pero pide implicación
Por Cristina Saiz & Anxo Lourido |
-
Pontevedra devolverá case cinco euros por domicilio no recibo do lixo
Por Alejandro Espiño |
-
Lores avanza que o recibo do lixo non subirá "ou mesmo baixará un pouco" co novo contrato
Por Alejandro Espiño |
-
Rafa Domínguez pedirá no pleno que o Concello se tome en serio a recollida de lixo na cidade
Por Cristina Saiz & Anxo Lourido |
-
No PP local afirman que non deixan de chegarlles "denuncias sobre a presenza de ratas" na cidade
Por Redacción |
-
O PP de Pontevedra pide a mellora do servizo de residuos e unha campaña de desratización
Por Manu Otero |