A Asociación Veciñal de San Salvador entrega máis de 1.000 firmas esixindo a creación de aparcamentos
Por Oskar Viéitez
A Asociación Veciñal de San Salvador presentou este xoves no Rexistro do Concello de Poio máis de 1.000 firmas esixindo ao goberno local "a creación de novas prazas de aparcamento" nesta parroquia.
A portavoz desta asociación, Montse Baquero, destacou que veciños, donos de establecementos e clientes coinciden en reclamar que se de solución a esta demanda "sen modificar ningunha dirección nin suprimindo ningún carril".
Neste sentido suxiren que "outros Concellos logran cesións, alugan ou compran terreos para crear novas prazas de aparcamento" e citan os exemplos de Ponte Caldelas ou Cangas, "pero en Poio nin o fixeron nin o fan e esiximos que se faga".
Montse Baquero lembra que San Salvador é a parroquia que máis creceu en poboación "e, con todo, non se crearon novas prazas de aparcamento senón todo o contrario, suprimíronse".
Como consecuencia deste problema, desde a asociación veciñal aseguran que "son moitos os negocios da parroquia que nos comunican que xa notan a baixada de ingresos" ademais dos inconvenientes que supón para os residentes na zona, unha situación que "empeza a ser insustentable", indica Baquero.
A asociación veciñal tamén anuncia que solicitaron unha reunión urxente co equipo de goberno.
Relacionadas:
-
400 novas prazas de aparcadoiro serán creadas en San Salvador e preto da igrexa de Samieira
Por Redacción |
-
Unha parcela da rúa Palestina acollerá un aparcadoiro de 100 prazas en San Salvador
Por Redacción |
-
O Concello de Poio negocia a cesión de parcelas privadas para acoller prazas de aparcamento
Por Redacción |
-
Máis seguridade e creación de aparcadoiros, principais demandas da veciñanza de San Salvador de Poio
Por Redacción |