O incremento de peregrinos fai crecer a oferta hostaleira de Pontevedra
Por Oskar Viéitez
A comisión de seguimento do Plan Especial de Protección e Reforma Interior e Conservación Artística, coñecido como Peprica, estuda o cambio de usos de varios inmobles en Pontevedra para servizos hostaleiros.
Así o explicou este martes o concelleiro de urbanismo, Xaquín Moreda, que relacionou o incremento deste tipo de solicitudes coas "políticas de mellora" dos espazos públicos que repercuten directamente na creación de negocios vinculados ao Camiño de Santiago".
Xaquín Moreda citou como exemplos desta tendencia os últimos albergues abertos no Gorgullón, Arcebispo Malvar e Ponte Sampaio.
Proximamente espérase a posta en marcha de novos proxectos na rúa Michelena e a rehabilitación do edificio dos Maristas, na Praza da Verdura, que se prevé destinar a vivendas turísticas.