Autorizan a retirada do poste eléctrico que bloquea a obra da rotonda de Cerdedo
Por Redacción
O alcalde de Cerdedo-Cotobade, Jorge Cubela, anunciou a consecución do correspondente permiso do departamento de Industria da Xunta de Galicia para a retirada e traslado do poste eléctrico que leva nove meses bloqueando a construción da rotonda oeste de Cerdedo, impulsada polo Ministerio de Fomento a petición do Concello para mellorar a seguridade vial neste cruce da estrada N-541.
O rexedor lamentou a deixadez e retraso do departamento estatal e da empresa de distribución eléctrica Fenosa.
Cubela lembrou que xa pasou o mesmo co permiso de Patrimonio para o traslado dun hórreo protexido afectado por esta obra, "que tivemos que xestionalo dende o goberno local, e agora volvemos a coordinar a consecución dunha nova autorización ante a deixadez e o pasotismo de Fomento que, como responsable do proxecto, é quen tería que facelo".
O alcalde agarda que a nova rotonda estea lista para regular o tráfico neste punto antes do inverno.
Relacionadas:
-
Pilar Rojo pedirá explicacións no Senado pola parálise das obras da rotonda oeste da N-541
Por Redacción |
-
Comeza o traslado do tendido eléctrico para reanudar a obra da rotonda oeste de Cerdedo
Por Redacción |
-
Unión Fenosa moderniza o transformador que subministra electricidade a Cerdedo
Por Redacción |
-
Jorge Cubela denuncia que un poste eléctrico bloquea a rotonda oeste de Cerdedo desde hai sete meses
Por Redacción |