VÍDEO.- As mareas vivas volven afectar a varios coches nas Corbaceiras
Por Almu Dapena
Como é habitual nas Corbaceiras, varios vehículos víronse afectados polas mareas vivas.
Ao redor das 16:30 horas deste venres, varios condutores regresaron ao peirao onde tiñan estacionados os coches e atopáronse coa sorpresa de que estaban coas rodas e os baixos inmersos na auga.
Un dos condutores acababa de saír de traballar e, como fai frecuentemente, aparcou o turismo na rampla. O que non se esperaba era que a auga chegase ata esa altura xa que "normalmente no sube tanto", declarou. Para mover o coche necesitou a axuda doutro vehículo e, cunha corda e un enganche, lograron sacalo da auga.
Outro dos condutores afectados e que chegou aos poucos minutos, atopouse co seu turismo cheo de auga por dentro. Neste caso, o piloto logrou sacalo da costa sen axuda de ninguén.
Ambos os condutores víronse obrigados a ventilar o interior dos vehículos para posteriormente levalos a un lavadoiro e limpalos da auga salgada da ría.
Relacionadas:
-
Tres coches sofren as mareas vivas provocadas pola superlúa azul
Por Almu Dapena |
-
A marea engole, por segundo día consecutivo, outro coche no peirao de Corbaceiras
Por Manu Otero |
-
A marea volve sorprender os condutores que aparcan no peirao de Corbaceiras
Por Redacción |
-
A preamar volve afectar a vehículos aparcados na rampla do peirao das Corbaceiras
Por Redacción |
-
Un coche leva tres días sufrindo as mareas vivas en Corbaceiras
Por Redacción |
-
A preamar sorprende algúns condutores no aparcadoiro das Corbaceiras
Por Redacción |