Poio prepárase para a 32 edición da Festa da Ameixa
Por Almu Dapena
Despois da gran acollida que tivo a Festa do Mar, o Concello de Poio continúa coas celebracións.
Esta vez é o turno da Festa da Ameixa de Campelo que celebra a súa 32 edición. Como é habitual, a gran festa inaugurarase cunha homenaxe aos doce mariscadores e mariscadoras xubilados durante o ano anterior para así continuar coa tradición de dedicar o primeiro día da festa, 13 de setembro, á xente do mar.
Ese mesmo día os tres finalistas do III Concurso de Fotografía Festa da Ameixa, recibirán o premio polas súas imaxes baixo o tema 'Un mar de Lembranzas'. Así mesmo, as 42 obras que participaron na competición expoñeranse na Carpa de Degustación Gastronómica ao longo da fin de semana.
Pola súa banda, as xornadas de degustación da ameixa babosa será o sábado 14 a partir das 12:30 horas e o domingo 15, días que se poderá degustar o bivalvo cociñado á mariñeira, con fideos e con arroz na Praza Granxa de Campelo.
Relacionadas:
-
Valoración "moi positiva" da Festa da Ameixa, que esgotou toda a mercadoría
Por Redacción |
-
Volve a Festa da Ameixa de Campelo coa intención de superar os 20.000 euros de recadación
Por Anxo Lourido |
-
Poio presenta o programa das festas do Mar e da Ameixa
Por Oskar Viéitez |
-
Coti e Roi Casal porán a música na próxima Festa da Ameixa de Campelo
Por Redacción |