A Xunta construirá un parque biosaudable en Xesta, na Lama
Por Redacción
O lugar de Eido de Abaixo, na parroquia de Xesta na Lama, contará cun novo parque biosaudable valorado en 55.000 euros. A Consellería de Medio Ambiente, Territorio e Vivenda acaba de adxudicar o proxecto que consistirá na creación dunha zona de recreo de máis de 1.100 metros cadrados equipada con xogos para adultos, mesas, bancos, fonte, asador e unha pérgola.
Esta actuación executarase a cargo dun convenio de colaboración entre o Concello, que achega un 30 % do orzamento total, e a Xunta, que achega os fondos restantes.
A elección de Xesta como a parroquia elixida para instalar este parque débese a que é unha das zonas da Lama que maior crecemento poboacional experimenta durante os meses de verán pola chegada de veciños emigrados.