As melloras enerxéticas no CEIP de Tenorio ascenden a 510.000 euros
Por Almu Dapena
Durante a mañá deste luns, Carmen Pomar, concelleira de Educación, Universidade e Formación Profesional visitou as obras de rehabilitación enerxética do CEIP Tenorio.
A actuación consiste na mellora da eficiencia enerxética do centro educativo, contemplando a substitución de carpinterías por unhas novas de aluminio con rotura de ponte térmica, cambio nas persianas por outras de aluminio con illamento térmico e renovaranse os tabiques interiores para mellorar a acústica. Tamén se illará a fachada para mellorar o confort térmico e o baixo cuberta con paneis de lá de roca.
Con respecto ao sistema de calefacción, mellorarase a instalación e cambiarase a caldeira de gasóleo por unha de biomasa, renovaranse falsos teitos e instalaranse loces LED e equipos de detección de movemento.
No exterior renovaranse os canalóns e baixadas no patio cuberto e colocarase nova carpintería exterior no ximnasio con motorización das fiestras máis altas.
O obxectivo é que o traballo estea terminado ao comezo do curso escolar, sinalou a concelleira que estivo acompañada polo alcalde de Cerdedo-Cotobade, Jorge Cubela, e polo delegado da Xunta en Pontevedra, José Manuel Cores Tourís.
As obras, que ascenden a case 510.000 euros, están enmarcadas no Plan de Dotación de Infraestruturas Educativas, que ampliou a súa vixencia ata o ano 2021.
Relacionadas:
-
O Plan de Eficiencia Enerxética chega a 20 aldeas de Cerdedo
Por Redacción |
-
Feijóo e Cubela pactan un investimento de nove millóns en Cerdedo-Cotobade ata 2023
Por Redacción |
-
Catro empresas interésanse en contratar a alumnos do obradoiro dual
Por Redacción |
-
Cerdedo xa ten novo local social
Por Almu Dapena |