Verdugolandia gaña o Caldelas Tapas deste verán
Por Almu Dapena
O certame empezou o 5 de xullo e desenvolveuse todos os venres ata o 2 de agosto e participaron un total de 12 locais no evento, o que supuxo ao redor de 10.000 tapas vendidas.
Para avaliar as tapas, o primeiro paso foi a cata do xurado profesional desenvolta a principios do mes de xullo e presidido por Xosé Cannas, Pepe Vieira; Sergio Orge, un dos responsables do Cafetín de Pontevedra; e Conchi Amoedo, reposteira local responsable de Pica e Peca.
O xurado valorou a calidade das propostas dos concursantes e destacou a abundancia das tapas entre as que se puido degustar o marisco como protagonista ou clásicos da cociña galega e bocados de verán, quedando como gañadora a tapa 'Solombo a miña maneira' de Verdugolandia.
Desde o Goberno local valoraron positivamente a xornada gastronómica e o seu crecemento nestes últimos anos, impulsada pola programación municipal, entre a que figura como peza destacada o Caldelas Tapas.
O concurso volverá en formato de inverno durante as noites dos venres do mes de decembro.
Relacionadas:
-
Verdugolandia repite triunfo no ‘Caldelas Tapas’ co bocado ‘Carrilleiras do Verdugo’
Por Redacción |
-
Once bares e restaurantes participarán no terceiro Caldelas Tapas Quentes
Por Redacción |
-
1.570 persoas presumen de festa no terceiro XantaCaldelas
Por Redacción |
-
Doce establecementos hostaleiros participan nun novo Caldelas Tapas
Por Redacción |