Un mozo tírase ao Lérez para rescatar o seu teléfono móbil
Por Oskar Viéitez
Tiraríase vostede ao río Lérez para rescatar o seu teléfono móbil? O protagonista desta noticia non o dubidou e lanzouse de cabeza para recuperar o seu smartphone.
Segundo informou a Policía Local de Pontevedra, este mozo, de 23 anos, tirouse ás augas do Lérez ás 8.30 horas deste domingo porque lle acababa de caer o móbil. Ocorreu fronte ao Mercado.
O mozo regresaba de Cambados onde estivera participando na Festa do Albariño.
Este rescatador saíu da auga polo seu propio pé.