Pecha o Santuario da Peregrina para poder limpar o retablo
Por Oskar Viéitez
Con motivo da limpeza do retablo maior do Santuario da Peregrina este templo permanecerá pechado ao público, sen actividade e sen oficios relixiosos, desde o luns día 24 ao venres día 28, ambos inclusive.
Durante eses días non poderá accederse ao santuario nin tampouco ao coro do mesmo, aínda que se prestará a atención habitual aos peregrinos que veñen realizando o Camiño de Santiago.
O secretario da Confraría Virxe Peregrina, Jose Rodríguez-Cadarso lamentou os trastornos que este peche pode ocasionar, pero sinala que o mellor mantemento do retablo e do santuario en xeral así o aconsella.