Catro policías e tres vixiantes para reducir un menor violento no Hospital Provincial
Por Oskar Viéitez
Creada e actualizada
Creada e actualizada
O sindicato UXT informou dun novo incidente rexistrado este martes cun paciente menor de idade procedente do Avelino Montero que tivo que ser reducido por catro policías e tres vixiantes.
O menor púxose violento e comezou romper o mobiliario do centro ameazando con agredir ao persoal de seguridade, que fora requirido polo persoal facultativo debido ao estado de agresividade que amosaba o paciente.
Estas mesmas fontes sindicais engaden que o pasado domingo viviu unha nova agresión en urxencias que provocou a baixa por lesións da vixiante de seguridade.
Esta muller acudira á chamada do persoal médico por un paciente psiquiátrico en estado violento que estaba a agredir aos facultativos saíndo lesionada na súa intervención.
Desde a UXT e "ante a reiteración de feitos e necesidades insatisfeitas", volven solicitar ao Sergas que estude un "aumento significativo" do persoal de seguridade, así como a súa dotación de medios, "para dar unha resposta efectiva a este tipo de situacións, que por desgraza, cada vez son máis frecuentes e que na situación actual é practicamente imposible o manter un clima de seguridade necesario no centro hospitalario".
AVELINO MONTERO
Tamén desde o sindicato FTSP-USO informan do "aumento considerable" das agresións de internos cara aos vixiantes de seguridade que prestan os seus servizos nas instalacións do Centro de Menores Avelino Montero. Aseguran que no último mes tiveron que intervir en máis de 30 ocasións por situacións de conflitividade producidas polos menores, "algunhas destas intervencións saldáronse con senllas lesións producidas polos menores aos vixiantes, un ombreiro dislocado, dous casos de fisuras nas costelas, etc".
Desde a FTSP-USO afirman que os medios de protección dos que dispoñen os vixiantes de seguridade "son nulos ou completamente insuficientes" para conter aos menores no caso de que se produzan liortas ou intentos de agresión cara aos coidadores. Solicitan que "como mínimo" se lles dote "urxentemente" de chalecos e luvas anti-trauma/picada, "así como que se inicie con présa un estudo para a implementación de medios de contención, xa que na actualidade a contención chegouse a facer utilizando colchóns para evitar posibles lesións de menores, coidadores e persoal de seguridade".
Relacionadas:
-
O Centro de menores Avelino Montero solicitará á Xunta máis medios para os vixiantes de seguridade
Por Redacción |
-
Unha auxiliar do Hospital lesiónase ao tratar de acougar a un paciente de Psiquiatría agresivo
Por Redacción |
-
Menores do Avelino Montero necesitan atención médica e policial tras inxerir pastillas e poñerse agresivos
Por Natalia Puga |
-
Ameaza cunha xiringa a traballadores do Provincial tras ser sorprendido roubando nas habitacións
Por Redacción |
-
Proxectan a reforma integral do Avelino Montero e da residencia de Campolongo
Por Alejandro Espiño |
-
Piden á Xunta o arranxo do centro de menores Avelino Montero
Por Redacción |