Absolto dun delito de estafa o dono de Armarios Alonso
Por Oskar Viéitez
A Sección Cuarta da Audiencia Provincial de Pontevedra ven de absolver dun delito de estafa ao empresario de Sanxenxo, José María Alonso, propietario da firma Armarios Alonso.
Inicialmente a Fiscalía solicitaba catro anos de cárcere que logo do xuízo reduciu a metade. O Ministerio Público sostiña que Alonso elaborou facturas falsas que lle serviron para apropiarse de máis de 58.000 euros en concepto de anticipos por parte do Banco Etxevarría.
José María Alonso asegurou que esta práctica era admitida pola firma bancaria.
Durante a vista oral, o procesado recoñeceu ter asinado a citada póliza de asunción de responsabilidade e que entre 2005 e 2009 facía uso desta "cuando lo necesitaba", pero que "jamás tuve la sensación de estar cometiendo un delito", pois asegura que os responsables da sucursal bancaria coa que traballaba estaban ao tanto da súa forma de actuar.
O director do banco asegurou non ter constancia dos feitos.
Segundo di a senteza "como deudor esperaba poder cumplir abonando el adeudo de los anticipos pero se vio desbordado y no lo consiguió" e engade "desde luego nada impedía a la entidad bancaria pedir a la vista de las cantidades anticipadas la justificación de los creditos como autoprotección pues puede observar el fichero del ordenante".