Oito municipios da área de Pontevedra reciben axudas para acondicionar parques forestais
Por Redacción
Unha nova convocatoria de axudas para acondicionar parques forestais na provincia, que impulsa a Deputación de Pontevedra, permitirá a oito municipios da área de influencia de Pontevedra acometer actuacións nesta materia.
Así, Caldas de Reis recibirá 3.913 euros para redactar o proxecto do novo parque forestal que se habilitará en Santa María.
O resto das subvencións permitirá facer obras en parques xa existentes ou planificados con anterioridade.
Barro terá 34.228 euros para o parque de Monte dos Casás, A Lama recibe 42.670 euros o parque forestal das Ermidas, Poio consegue 35.935 euros para o parque de Combarro-Samieira e Ponte Caldelas outros 42.670 euros para o parque homónimo.
Ademais, recibirán axudas Bueu para obras no parque de Cabo Udra (31.800 euros), Marín para o parque de Lagocheiras (21.915 euros) e Vilaboa para o parque de Cotorredondo (38.178,67 euros).
As axudas da terceira convocatoria de parques forestais pretendían subvencionar os proxectos destinados a preservar, mellorar e destacar valores naturais e culturais dos montes, as formacións arbóreas, a preservación de especies con valor ecolóxico ou a preservación do patrimonio, entre eles xacementos arqueolóxicos, monumentos, lugares, conxuntos, tradicións ou técnicas artesanais.
Ademais, busca a adopción de medidas fronte a incendios, a diversificación dos usos produtivos dos montes ou a creación de zonas de uso e aproveitamento para a cidadanía coma sendas peonís, miradoiros, parques, rutas ou aulas de interpretación.
Relacionadas:
-
Os comuneiros de Santomé adecentan o Parque de Lagocheiras
Por Redacción |
-
O BNG pide traspasar a xestión do parque forestal ante o "incumprimento" do convenio por parte da Xunta
Por Redacción |
-
Avanzan as obras para crear un parque forestal no monte dos Casás
Por Redacción |
-
Caldas impulsa un parque forestal de 40 hectáreas nos montes de Santa María
Por Redacción |
-
Proban en Pontevedra drons para localizar incendiarios e detectar lumes nos montes
Por Redacción |
-
A Deputación impulsa o parque forestal de Antas
Por Redacción |
-
Cabo Udra terá o seu propio parque forestal
Por Redacción |
-
O primeiro Parque Forestal do Castrove contará cuns 30 quilómetros de sendas
Por Oskar Viéitez |
-
Ponte Caldelas deseña o seu primeiro parque forestal
Por Redacción |