Fomento mellora a ponte da estrada N-640 en Cuntis
Por Redacción
O Ministerio de Fomento está a actuar sobre a ponte da estrada N-640 ao seu paso por Cuntis.
Hai uns días, foi o goberno local o que completou a substitución da sinalización dos cruces de todo o municipio. Agora iniciáronse os labores de reposición das varandas do viaduto e está previsto completar estes traballos coa implantación de nova sinalización viaria nesta travesía.
O obxectivo é mellorar a imaxe e a seguridade viaria desta estrada de titularidade estatal.
Ditas obras de mellora foron solicitadas polo actual alcalde Manuel Campos aos responsables da Demarcación de Estradas do Estado Pontevedra.