O mercado ambulante trasládase durante dúas semanas a Campolongo polo tríatlon
Por Alejandro Espiño
A feira que, como cada sábado, acolle a cidade de Pontevedra regresará ao centro da cidade. Farao de maneira puntual. A celebración dos mundiais de tríatlon impide que este mercado ambulante poida instalarse nas inmediacións do Pazo da Cultura, polo que durante as dúas próximas semanas cambiará de escenario.
Nunha decisión que, segundo o Concello, foi acordada cos propios feirantes, as feiras dos próximos días 27 de abril e 4 de maio celebraranse en Campolongo.
O lugar elixido é o viario peonil que hai entre a Praza de Galicia e Augusto García Sánchez e a igrexa de San José de Campolongo e as piscinas. Ademais, no caso de necesitar máis espazo abriríase o mercado cara á praza da Constitución.
Este cambio conta co aval dos técnicos municipais e da Policía Local.
Todos aqueles vendedores ambulantes que non queiran participar nestas dúas feiras polo cambio de localización, se así o comunican ante o Concello, non pagarán a taxa correspondente e descontaráselles da cantidade que abonan por colocar os seus postos.
Relacionadas:
-
Os ambulantes solicitan por rexistro o traslado da feira ao centro da cidade
Por Oskar Viéitez |
-
O Concello, disposto a estudar o regreso do mercadiño ao centro da cidade
Por Alejandro Espiño |
-
Vendedores e clientes, "encantados" co cambio temporal da feira a Campolongo: "Aquí está moito mellor"
Por Alejandro Espiño |
-
Intensifícase a campaña informativa sobre os mundiais de tríatlon no casco urbano
Por Redacción |
-
Conta atrás para os mundiais de tríatlon: así afectarán ao tráfico en Pontevedra
Por Redacción |
-
A Ponte dos Tirantes pechará ao tráfico o martes e o mércores
Por Redacción |