Difusión Felina xa recolleu máis de 50 gatos en Pontevedra neste 2019
Por Redacción
O vindeiro sábado 13 de abril, na praza de Ourense, o colectivo Difusión Felina levará a cabo un "mercadillo benéfico" coa intención de obter fondos para o seu obxectivo de axudar aos gatos rueiros.
Segundo sinalan desde esta asociación, neste 2019 xa recolleron máis de 50 gatos en Pontevedra. Carlos Ferrer, responsable desta protectora, moitos destes animais atopábanse en moi malas condicións. A asociación custea, sen axudas das administracións públicas, as operacións e tratamentos que precisan estes gatos. Na xornada deste sábado tamén aceptarán doazóns de alimentos, latas, leite para gatos, empapadores e transportíns.
Denuncian tamén que unha das últimas recollidas que fixeron foi a de cinco gatos recentemente nados, que foran abandonados nunha bolsa, ademais de tres gatos adultos, dous deles procedentes de colonias de gatos controladas.
Tamén recolleron un gato en Estribela, con colar e sen esterilizar. Ninguén o reclamou ata o momento. Afirman que no mes de abril só puideron dar en adopción un gato. En marzo a cifra foi de sete. Difusión Felina alerta que neste período do ano aumentan os abandonos destes animais.
Relacionadas:
-
Mercado solidario para celebrar o día mundial do gato e fomentar a adopción de animais sen fogar
Por Redacción |
-
Iníciase unha campaña para promover a adopción de cans e gatos seguindo os pasos da app Tinder
Por Anxo Lourido |
-
Difusión Felina recolleu 221 gatos abandonados na rúa durante 2018
Por Redacción |
-
Os colectivos animalistas esixen contundencia no caso do gato tiroteado en Salcedo
Por Redacción |
-
Difusión Felina denuncia a execución a balazos de gatos en Salcedo
Por Redacción |