Aparece en bo estado a nova desaparecida en Mourente
Por Redacción
A moza veciña de Mourente Judit Jiménez, que figuraba como desaparecida desde o pasado sábado, foi localizada en bo estado de saúde, de modo que a alerta pola súa desaparición foi desactivada.
As plataformas SOS Desaparecidos e Fundación Europea polas Persoas Desaparecidas, que se fixeron eco da súa desaparición, comunicaron este luns a súa localización despois de dous días en paradoiro descoñecido.
Judit Jiménez, de 24 anos de idade, saíu a tirar tirar o lixo á primeira hora do sábado 23 de marzo en pixama e non regresou ao seu domicilio. Só levaba encima o seu teléfono móbil.
A alerta foi maior porque a nova, que xa no ano 2016 desaparecera por vontade propia, necesita medicación.