María Ramallo presenta a lista coa que o PP pretende renovar a maioría absoluta en Marín
Por Redacción
O Partido Popular de Marín presentou este sábado a formación coa que concorrerá ás próximas eleccións municipais, nas que parte co obxectivo de revalidar a súa maioría absoluta.
María Ramallo repite como cabeza de cartel aspirando ao seu terceiro mandato, e faino acompañada dun equipo no que entran caras novas, concretamente 4 nos 12 primeiros postos.
Trátase de Raquel Soage (veciña de Seixo), Antonio Caíña (presidente do club deportivo La Peña), Itzíar Álvarez (secretaria da alcaldía) e Manuel Domingos González (presidente da festa da mazá e a sidra de Santomé).
Trátase de "un equipo sólido, unido, perfectamente coordinado e garantindo sempre a experiencia e o gran traballo realizado ao longo destes 8 anos de goberno continuado", sinalan desde o PP.
A candidatura do Partido Popular en Marín compóñena: 1-María Ramallo, 2-Manuel Santos, 3-Marián Sanmartín, 4-Antonio Traba, 5-Pablo Novas, 6-Cristina Acuña, 7-Paco Pepe Estévez, 8-Beatriz Rodríguez, 9-Raquel Soage, 10-Antonio Caíña, 11-Itziar Álvarez, 12-Manuel Domingos González, 13-Hugo González, 14-Nuria Casal, 15-Mónica Viqueira, 16-Elisa Dopazo, 17-José Ramón Abal, 18-María José de Pazo, 19-José Luis Lago, 20-Ramiro Gestido, 21-Benito Touriño.