A mostra fotográfica 'Vento nas velas', de Xurxo Lobato, inicia en Combarro a súa xira
Por Redacción
A praza da Chousa en Combarro (Poio) acolle a partir deste sábado 23 as estruturas de forma cúbica que se inclúen na exposición fotográfica 'Vento nas velas'. Nestas mostra recóllese o traballo fotográfico de Xurxo Lobato sobre a cultura marítima.
A partir de Combaro, esta iniciativa percorrerá cinco municipios máis da provincia entre os meses de marzo e de agosto. En Combarro permanecerá ata o 12 de abril para despois continuar por Bueu, A Illa de Arousa, Baiona e A Guarda.
A cultura mariñeira e o patrimonio relacionado co mar é o obxecto desta proposta que se realiza ao aire libre e que conta cun carácter didáctico. A exposición, organizada pola Deputación de Pontevedra, nace da publicación en 2017 no libro 'Vento nas velas', do fotógrafo coruñés Xurxo Lobato.
Esta actividade acompáñase dun espectáculo musical que se celebrará o 6 de abril ás 19.30 horas na praza da Chousa. Participarán o Orfeón do Berbés, Xurxo Souto e máis artistas.