O persoal da prisión da Lama pide medidas para evitar as agresións nos centros penitenciarios
Por Redacción
Representantes das seis centrais sindicais con representación no Centro penitenciario da Lama concentrábanse este mércores 20 ás portas da prisión para denunciar as agresións que os funcionarios de prisións sofren con frecuencia no interior dos recintos carcerarios.
Esta concentración xorde tras o apuñamento este luns 18 dun traballador do cárcere de Soto del Real no departamento de aillamento coa intención de solidarizarse coa vítima. O funcionario era acoitelado máis de tres veces cando tentaba axudar a un interno que caera ao chan cando estaba a realizar unha chamada. Finalmente, o traballador lograba salvar a súa vida a pesar das feridas causadas polo obxecto punzante.
Integrantes de Acaip, CCOO, ATP, CSIF e CIG denuncian que na última década se está a rexistrar un crecemento preocupante das agresións ao persoal penitenciario, ata o punto de que se incrementaron un 76% o número de agredidos. Alertan da falta de persoal e do envellecemento do funcionariado nas prisións.
Relacionadas:
-
Dous presos perigosos rebélanse nas súas celas da Lama e agriden os funcionarios que van reducilos
Por Natalia Puga |
-
Tres funcionarios da Lama, agredidos por un recluso violento no módulo de illamento
Por Redacción |
-
Concentración na Lama en repulsa polo apuñalamento sufrido por un funcionario en Soto del Real
Por Oskar Viéitez |
-
Un preso acaba no hospital e cinco máis illados tras unha pelexa entre varios internos da Lama
Por Natalia Puga |