O verde de San Patricio tingue desde este xoves a Praza de España
Por Redacción & Mónica Patxot
O Festival San Patricio organizado polo Mareantes Rugby Club abriu as portas este xoves da que é xa a súa novena edición.
A carpa instalada na Praza de España é o punto central das celebracións, coa cor verde como protagonista.
Ata a cervexa á venda o domingo 17 de marzo, día de San Patricio, será desa cor, con prezos que se manteñen nos 3,5 euros a pinta de cervexa loura e 4 euros a torrada e a negra, do mesmo xeito que coas diferentes opcións gastronómicas.
Por diante 6 xornadas de celebración por diante, ata o martes día 19, en horario de 12:00 a 0:00 nas que o Mareantes buscará achegarse ás cifras de pasadas edicións, con 15.000 asistentes e vendas de ao redor de 4.000 litros de cervexa e 7.000 racións de comida.
Co diñeiro recadado o club pontevedrés pretende cubrir boa parte do orzamento da tempada deportiva.