O temporal frustra o desembarco pirata en Pontevedra
Por Alejandro Espiño
Pontevedra queda sen Noite Pirata. As intensas choivas e os fortes refachos de vento que acompañan, desde primeira hora da tarde, á xa coñecida como borrasca Laura, impediron o desembarco da tropa do Burla Negra de Benito Soto e o seu combate polo centro histórico co barco inglés Morning Star e o francés Trois Mers.
O Concello comunicou que o temporal obriga á suspensión deste espectáculo. A pesar de que se esperou ata última hora antes de tomar esta decisión, a alerta amarela decretada polos servizos meteorolóxicos recomenda a súa cancelación.
Fontes municipais aseguran que o feito de que a Noite Pirata estea protagonizada por compañías profesionais impide que, nesta ocasión, o evento poida ser reprogramado durante os próximos días.
Se o tempo o permite, o Entroido de Pontevedra retomarase este mércores 6 de marzo coa celebración da tradicional Corrida da Rosca, ás 16.30 horas en Campañó, e coa recreación na Peregrina da botica de Perfecto Feijóo, a cargo da Aula Municipal de Teatro.
A segunda eliminatoria do concurso de murgas, que será ás nove da noite no Pazo da Cultura, completará a programación festiva.
Relacionadas:
-
A irreverente Mostra da Parodia enche de bo humor as rúas de Pontevedra
Por Alejandro Espiño & Diego Torrado |
-
O Entroido chega a Campañó coa súa tradicional Corrida da Rosca
Por Redacción & Diego Torrado |
-
A borrasca Laura deixa ventos de máis de 100 km/h e abundantes chuvias nas Rías Baixas
Por Alejandro Espiño |
-
Os aprendices de pirata resgárdanse da choiva no Recinto Feiral
Por Redacción & Mónica Patxot |
-
VÍDEO.- O humor sarcástico asalta a primeira semifinal do Concurso de Murgas
Por Diego Torrado & Redacción |
-
Un reivindicativo Ravachol ponse en pé para unirse á "revolta feminista" do 8M
Por Alejandro Espiño & Mónica Patxot |