O Porto de Marín ampliará as instalacións para tráfico de froita e hortalizas
Por Redacción
O Consello de Administración da Autoridade Portuaria de Marín e Ría de Pontevedra aprobou a ampliación das instalacións frigoríficas que Davila Refeer Terminal (DART) posúe no porto para o tráfico de froita e hortalizas.
En concreto esta ampliación consistirá en engadir á nave existente dous novos peiraos de carga para posicionamento de camións.
Coa medida preténdese facer fronte á crecente demanda do tráfico que recibe a terminal para mellorar a calidade do servizo e os tempos da operativa.
O tráfico de froitas e hortalizas experimentou nos últimos anos un importante e continuo crecemento no porto marinense, alcanzando un movemento de 140.000 toneladas durante 2018, o que representa un incremento do 11,5% con respecto ao exercicio anterior.
Actualmente a terminal de froita dispón dunha capacidade de almacenamento frigorífico para 5.000 pallets, 6 peiraos de carga, 8 cámaras frigoríficas, 1.000 metros cadrados climatizados para clasificación e distribución, conexións reefer, 5.000 metros cadrados de chaira contigua e 520 metros de atracada en dous peiraos.
Relacionadas:
-
A Autoridade Portuaria colabora cun proxecto universitario de monitoraxe de contedores
Por Redacción |
-
Seis buques mercantes descargan de forma simultánea no Porto de Marín
Por Redacción |
-
Marín reforza o seu liderado no tráfico de froita do Arco Atlántico
Por Redacción |
-
A Autoridade Portuaria fixo recollida selectiva de 816 toneladas de residuos durante 2018
Por Redacción |