Ferido un veciño de Cambados ao perder o control dunha queima agrícola
Por Oskar Viéitez
Un veciño de Cambados resultou ferido con queimaduras tras tentar apagar unha queima agrícola que se lle escapou do seu control.
Segundo informaron desde o Servizo de Emerxencias de Cambados o home, J.M. V. G. de 62 anos foi evacuado ao Hospital de Salnés.
A queima agrícola provocou un incendio forestal no lugar de Lourido, na parroquia de Castrelo. Ardeu unha superficie de 1.600 metros.
Ao lugar do suceso acudiron axentes da Garda Civil de Cambados, da Policía Local de Cambados, un axente forestal, unha cuadrilla da Xunta e o Servizo de Emerxencias de Cambados co seu camión nodriza.