Seis buques mercantes descargan de forma simultánea no Porto de Marín
Por Redacción
Media ducia de buques mercantes atópanse durante este mércores 13 nas atracadas de diferentes terminais do Porto de Marín. Dous barcos están a descargar produtos siderúrxicos e están a operar nos peiraos Leirós e Novo Peirao comercial, con ao redor de 3.000 toneladas cada un.
Outra mercante, o Kelly C está a cargar 5.500 toneladas de pasta de papel na Terminal Cuberta mentres que o EEMS Dover descarga durante esta xornada material eólico. A estas operacións súmase a descarga de millo no Peiraos Oeste que deixa no porto de Marín preto de 65.000 toneladas de granel e as operacións de carga e descarga de contedores dun buque transoceánico no Peirao Reboredo.
Durante estes días, súmanse dous movementos co ferrocarril a través dun tren de saída cargado de cereais e un de entrada e outro de saída de bobinas de chapa de aceiro.
A actividade das instalacións portuarias vese incrementada pola chegada de tramos eólicos por estrada para que posteriormente sexan cargadas no barco e un importante número de camións que veñen recoller a froita descargada en porto.
Relacionadas:
-
A Autoridade Portuaria colabora cun proxecto universitario de monitoraxe de contedores
Por Redacción |
-
O Porto de Marín ampliará as instalacións para tráfico de froita e hortalizas
Por Redacción |
-
Marín reforza o seu liderado no tráfico de froita do Arco Atlántico
Por Redacción |
-
O Porto de Marín moveu 2,5 millóns de toneladas de mercadorías en 2018
Por Redacción |