A APDR cumpre 25 anos
Por Oskar Viéitez
A Asociación Pola defensa da Ría (APDR), naceu no outono de 1987 e foi legalizada no mes de marzo do ano seguinte, logo, cumpre agora 25 anos.
Antón Masa, presidente da APDR, destacou que son 25 anos de dedicación á loita pola defensa do medio ambiente e moi particularmente á loita contra a presenza de industrias contaminantes na nosa Ría. Coincide ademais a data deste aniversario cos 10 anos da catástrofe do Prestige e mesmo cos 10 anos da condena a ENCE pola comisión dun delito ecolóxico continuado no tempo, añadió Masa.
Nestes dous feitos transcendentais na nosa comarca a APDR xogou un importante papel que lle valeu o recoñecemento social e ser galardoada co premio Cidade de Pontevedra correspondente ao ano 2002.
Evidentemente na APDR van celebrar estes 25 primeiros anos de vida cunha serie de actividades que se desenvolverán ata finais de marzo de 2013, e que se inician cun Concerto no Karma, fronte ás ruínas de San Domingos o venres día 26.