O PP lembra á Consellería do Mar que urxe a dragaxe do río Lérez
Por Redacción
Rafa Domínguez, candidato do Partido Popular á alcaldía nos próximos comicios, mantiña un encontro nas últimas horas coa conselleira do Mar, Rosa Quintana, para trasladarlle a necesidade de desatascar o proxecto de dragaxe do río Lérez.
Domínguez entende que esta medida comporta melloras económicas para o sector de persoas que traballan no mar e tamén para a actividade turística. O portavoz do PP local considera que a dragaxe vai repercutir positivamente nos bancos marisqueiros da ría de Pontevedra e tamén permitirá a mellora do calado dos barcos de recreo para que poidan acceder ao porto deportivo do Lérez.
Actualmente este proxecto de dragaxe, demandado desde diferentes axentes políticos, laborais e sociais, atópase atrancado porque a entidade competente, Portos de Galicia, entende que existe falta de consenso no sector do mar.
Esta entidade tiña previsto licitar a obra en 2018 pero diferentes entidades presentaron alegacións manifestando o seu desacordo con que o punto de vertedura dos lodos que se extraian na operación se realice na contorna da illa de Tambo.
Relacionadas:
-
O PSOE denuncia a demora da dragaxe do Lérez e urxe medidas á Xunta e o Concello
Por Redacción |
-
Rafa Domínguez reclama a reactivación do proxecto de dragaxe do río Lérez
Por Redacción |
-
O BNG reclama a dragaxe do Lérez que Portos supedita ao consenso
Por Oskar Viéitez |
-
As confrarías da ría agardan coñecer os resultados dun proxecto experimental de dragaxe autónoma
Por Oskar Viéitez |
-
Unha moción en Poio busca rexeitar o depósito de lodos da ría na zona da Illa de Tambo
Por Redacción |
-
A Xunta busca o consenso co sector marisqueiro para levar adiante a dragaxe do Lérez
Por Redacción | Creada e actualizada