O Xogo da miñoca triunfa entre os escolares de Campo Lameiro
Por Redacción
O alumnado do CEIP Pedro Antonio Cerviño de Campo Lameiro comezaron este xoves a participar nos obradoiros e xogos sobre compostaxe que realiza a Deputación nos centros de ensino da provincia ao abeiro do Plan Revitaliza. Escolares de Infantil e 1º e 2º de Primaria xogaron este xoves coa mascota educativa do plan provincial, un colémbolo que amosou a 36 pequenos como se fai o compost grazas ao "Xogo da miñoca".
A actividade consistiu nunha variación do xogo da oca na que os nenos, formando equipos, tiveron que pasar unha serie de probas e preguntas (sobre que tipo de elementos se poden botar na composteira, como se produce a conversión do lixo en compost, ou que técnicas hai que aplicar para chegar a ter un bo compost). O alumnado tamén tivo que buscar solucións a elementos negativos para a compostaxe do lixo orgánico, como a achega de impropios ao composteiro ou esquecer pechar a tapa deste, casiñas que provocan que no xogo se atrasen postos ou se deixen xogadas sen tirar.
Con esta actividade e as previstas para as vindeiras semanas (charlas informativas "A voltas coa compostaxe" e a posta en marcha dun composteiro no propio centro), a totalidade do colexio (69 alumnos) implicarase na compostaxe como modelo de xestión de lixo para o centro de ensino.
Relacionadas:
-
O PP cre que os datos de Sogama reflicten que o Plan Revitaliza "non funciona"
Por Oskar Viéitez |
-
Córdoba aplaude o modelo de xestión de biorresiduos "absolutamente exportable" da Deputación
Por Oskar Viéitez |
-
Os escolares do colexio San Bieito de Lérez "gradúanse" en compostaxe
Por Redacción |
-
A compostaxe é un xogo para os escolares do colexio de Campolongo
Por Redacción |
-
A compostaxe chega a máis dun milleiro de alumnos dos centros de ensino da Boa Vila
Por Redacción |
-
O alumnado do Carlos Oroza profunda na súa formación sobre a compostaxe
Por Redacción |