A eurodeputada Lidia Senra traslada á Comisión Europea a preocupación veciñal pola ampliación da depuradora
Por Redacción
A eurodeputada galega Lidia Senra trasladou á Comisión Europea (CE) a preocupación veciñal ante a posibilidade de que se acometa a creación do novo emisario submarino e a ampliación da depuradora dos Praceres, proxectos que promove Augas de Galicia, organismo pertencente á Xunta.
Segundo explica no seu escrito, estas dúas iniciativas non solucionarán os problemas do mal tratamento das augas residuais na ría de Pontevedra e conducirán ao incumprimento da directiva europea sobre este tema. Este mércores, Lidia Senra rexistraba dous escritos elaborados despois de manter unha xuntanza con integrantes da Plataforma veciñal Non á ampliación da depuradora dos Praceres.
No primeiro escrito, a eurodeputada pregúntalle á CE que coñecemento ten dos novos proxectos de saneamento para a ría e que evaluación realiza do seu contido. Segundo Senra, para estes proxectos invertirase "unha notable cantidade de fondos europeos que redundarán en aniquilar aínda máis o xa deteriorado lugar".
No segundo escrito expón que o núcleo dos Praceres leva anos "encaixonado" e sufrindo todo tipo de consecuencias medioambientais e sociais negativas derivadas das diferentes actividades industriais que se rexistran nesta zona situada entre o Porto de Marín e a factoría Ence.
Relacionadas:
-
Decepción na Plataforma Veciñal de Lourizán ante a inhibición da Comisión Europea á ampliación da depuradora
Por Redacción |
-
Marea Pontevedra pedirá apoio no pleno para instar á Xunta a que se esqueza das obras na EDAR de Praceres
Por Redacción |
-
A Xunta lembra que Anova e IU non alegaron aos proxectos da depuradora de Praceres e o emisario
Por Oskar Viéitez |
-
O movemento veciñal de Lourizán quere que os grupos políticos insten á Xunta a facer un estudo de saneamento da ría
Por Redacción |
-
Os veciños de Lourizán levan a súa protesta contra a ampliación da depuradora ata o centro da cidade
Por Diego Espiño & Diego Torrado |
-
A Xunta lamenta que o delegado do Goberno aposte por seguir dilatando o saneamento da ría
Por Oskar Viéitez |