A mellora do acceso á igrexa de Lamas, inicio do Plan de Vías de Moraña para 2019
Por Redacción
Ata catorce estradas serán renovadas no primeiro semestre no ano no marco do Plan de Vías que o Concello de Moraña deseñou para 2019. O punto de partida será o viario de acceso á igrexa de Lamas, pero en febreiro tamén se actuará nos lugares de Penagrande, O Casal, San Martiño e Sabadín.
As cinco primeiras melloras, que suporán un investimento de 130.000 euros, serán financiadas polo Plan Concellos da Deputación de Pontevedra.
A alcaldesa de Moraña, Luisa Piñeiro, realizou unha visita aos cinco camiños beneficiarios deste proxecto, que actualmente se atopa na recta final da súa fase de licitación e contratación, para perfilar os derradeiros detalles das obras e incluír pequenos axustes detectables sobre o terreo.
A actuación permitirá mellorar estas cinco pistas coa limpeza de beiravías en ambas marxes con saneo e arranque de raíces, a renovación do seu asfaltado cunha capa de rodaxe de aglomerado en quente e outras obras nas zonas de sobreancho, ás que se dotará de zahorra artificial nivelada e compactada.
Piñeiro anunciou, tras percorrer a pista da Igrexa en Lamas, que neste primeiro semestre vanse destinar 780.000 euros á realización de actuacións de renovación e mellora de estradas do municipio.
As obras, ademais de nestas cinco pistas, acometeranse en Cartamil -en dúas zonas-, Outeiro, Chan da Amil, O Calvo, Rebón de Arriba, San Pedro, Barro e Soar-Cosoirado.
Relacionadas:
-
COVSA acondicionará cinco camiños en Lamas, Penagrande, O Casal, San Martiño e Sabadín
Por Redacción |
-
Moraña mellorará a conexión entre Soar e Cosoirado
Por Redacción |
-
Moraña acomete o acondicionamento dunha pista no interior de Alende
Por Redacción |
-
Moraña constrúe cunetas en Suigrexa para corrixir a escorrentía
Por Redacción |
-
2019 comezará en Moraña con obras en Rebón, Amil, Cosoirado e Soar
Por Redacción |