Por San Sebastián, volve a laconada aos locais da zona monumental
Por Redacción
Un total de 19 establecementos hostaleiros de Pontevedra sumaranse durante esta próxima fin de semana dos días 19 e 20 de xaneiro á 'Laconada de San Sebastián' posta en marcha pola asociación de comerciantes Centro Comercial Urbano CCU Zona Monumental para dinamizar o centro histórico da cidade.
A iniciativa púxose en marcha o ano pasado dentro das actividades do CCU Zona Monumental para recuperar unha vella tradición perdida, a celebración de San Sebastián, patrón da cidade que carece de festexos específicos á marxe da entrega dos premios Cidade de Pontevedra.
A asociación de comerciantes promove laconadas en distintos establecementos de hostalería da nosa cidade. En total, sumáronse 19 locais, que durante a fin de semana ofreceránen o seu menú, petisco ou tapa o lacón con grelos. Acompañando a laconada, haberá animación en rúas e prazas.
A festa de San Sebastián foi celebrada tradicionalmente como antesala e preludio do Entroido, con ritos como tamborradas -concentración de tamborileros ou repicantes- e chorizadas que marcaban a que foi chamada 'primeira festa do ano'.
Zona Monumental presentou este mércores a iniciativa e animou a todos os pontevedreses a pasear polo centro histórico e gozar da laconada e do patrón. Agradeceu a participación de todos os hostaleiros, así como a colaboración do Concello.
Relacionadas:
-
Lacón para todos por San Sebastián
Por Redacción & Diego Torrado |
-
O empresario Francisco Barbeito e o centro da ONCE, premios Cidade de Pontevedra 2018
Por Oskar Viéitez & Mónica Patxot |
-
O arrecendo do lacón con grelos inunda o centro histórico
Por Redacción & Diego Torrado |
-
Os hostaleiros da Zona Monumental preparan unha laconada como antesala do Entroido
Por Oskar Viéitez |