O primeiro premio da Lotería do Neno nunca caeu en Pontevedra, este ano tampouco
Por Oskar Viéitez
O número 37142 resultou agraciado co Gordo do sorteo da Lotería do Neno 2019.
Esta dotado con dous millóns euros por serie (200.000 euros ao décimo) e vendeuno íntegro a administración 271 de Barcelona.
Este sorteo celébrase desde o ano 1941 e segundo os datos de Loterías do Estado, o primeiro premio da Lotería do Neno, nunca caeu na cidade de Pontevedra, e só tres veces na provincia. Concretamente foi en 1976 en Vilagarcía de Arousa, en 1986 en Vigo e en 2016 en Pontecesures.
No sorteo de hoxe o segundo premio correspondeu ao número 61776, repartirá 750.000 euros (75.000 ao décimo). Estivo moi repartido e en Galicia vendeuse nas localidades da Coruña, O Porriño e Santiago de Compostela.
O terceiro foi para o número 20148, premiado con 250.000 euros (25.000 por décimo) e que tamén se vendeu na localidade barcelonesa de Sabadell.