As ETT prevén 2.650 contratacións na provincia para as rebaixas de xaneiro
Por Redacción
Segundo asegura a empresa de traballo temporal Adecco as rebaixas de xaneiro xerarán 2.650 contratacións na provincia de Pontevedra. No conxunto do Estado prevese un aumento do 4,1%, ata os 122.900 contratos.
O maior incremento das contratacións corresponderá ao sector do transporte (un 20%), un efecto vinculado ao impacto do comercio electrónico
Igualmente Randstad móstrase optimistas cun ascenso do 7,6% nas contratacións en Galicia, ata as 9.700.
Aínda que tras a liberalización do período de rebaixas a lei permite facer descontos en calquera momento do ano, o certo é que cada vez son máis os establecementos do sector téxtil que, empuxados polas grandes cadeas e marcas internacionais, adiantan as ofertas ao arranque de ano sen esperar á data tradicional, o 7 de xaneiro, despois de Reis. Tamén o Nadal arrinca a finais de novembro co Black friday.
Na cidade do Lérez un elemento dinamizador das vendas será a XVI edición de Stock Pontevedra, que se celebrará os días 1, 2 e 3 de febreiro, no Recinto feiral. Serán 4.500 metros cadrados de exposición dedicados a liquidar produtos en stock, oportunidades e ofertas especiais.
Relacionadas:
-
Os pontevedreses gastaremos 98 euros de media nas rebaixas
Por Redacción |
-
As rebaixas de xaneiro xa non son o que eran
Por Mónica Patxot & Redacción |
-
Stock Pontevedra abrirá febreiro con grandes descontos e produtos de oportunidade
Por Redacción |
-
As obras de Benito Corbal atrásanse para evitar o Nadal e o inicio das rebaixas
Por Alejandro Espiño |