Un total de 67.822 peregrinos chegaron o ano pasado a Santiago polo Camiño Portugués tradicional
Por Redacción
Durante o ano 2018 na Oficina de Peregrinacións da Arquidiocese de Santiago de Compostela recibíronse 327.378 peregrinos, o anterior Ano Santo en 2010 foron 272.417.
Destes peregrinos, 164.836 (50,35%) son mulleres e 162.542 (49,65%) homes. A pé chegaron 306.064 (93,49%), en bicicleta 20.787 (6,35%), dacabalo 318 (0,10%), a vela 130 (0,04%) e 79 (0,02%) en cadeira de rodas.
En canto á ruta xacobea elixida, a maioría dos peregrinos 186.199 (56,88%) seguiron o Camiño Francés. Polo Camiño Portugués chegaron a Santiago 67.822 persoas (20,72%) mentres que na súa variante pola Costa foron 13.841 (4,23%) no ano 2017 foran 7.329 peregrinos.
Elixiron o Camiño do Norte 19.040 peregrinos (5,82%); o Primitivo, 15.038 (4,59%); o Inglés, 14.150 (4,32%); a Vía da Prata con 9.127 (2,79%); Muxía-Finisterre con 1.131 (0,35%); o Camiño de Inverno, 703 (0,21%) e houbo 326 persoas (0,10%) que seguiron outras rutas alternativas.
Desde a Arquidiocese de Santiago de Compostela informan que do total de peregrinos que acoden pola súa Oficina, o 26,83% son menores de 30 anos, sendo a maioría, un 54,81%, peregrinos de entre 30 e 60 anos e maiores de 60 anos son o 18,35%.