A Cabalgata de Reis quenta coa súa maxia as rúas de Pontevedra
Por Mónica Patxot
Miles de persoas desafiaron ás baixas temperaturas saíndo ás rúas de Pontevedra para gozar da Cabalgata de Reis.
Nenos e maiores rivalizaron coas súas colleitas de caramelos, mentres que algún protexía a cara ao paso das carrozas para evitar un caramelazo fortuíto. Ata dúas toneladas de caramelos repartíronse hoxe.
Seis carrozas e máis de 300 persoas desfilaron na Cabalgata das súas Maxestades de Oriente que tardou unha hora e media en completar o seu percorrido.
Ao terminar a Cabalgata e aínda con Melchor, Gaspar e Baltasar dando os seus discursos na Ferrería eran moitos os nenos que xa pedían volver para casa, porque había que deitarse pronto e deixar preparado algún aperitivo para a comitiva real.