Copcisa dá conta ao Concello do estado das obras do colector na Avenida de Ourense
Por Oskar Viéitez
Este venres tivo lugar a reunión de coordinación dos traballos das obras do colector xeral que actualmente se están realizando na avenida de Ourense.
O responsable na obra da empresa Copcisa deu conta do estado actual dos complexos traballos que se están a levar a cabo e dos pasos a dar nas vindeiras semanas.
Nestes momentos o primeiro tramo ten colocados os tubos de saneamento pero aínda é cedo para proceder ao asfaltado xa que antes hai que esperar a que seque o terreo e a que se superen con éxito as probas de enchido.
No mes de xaneiro abriranse totalmente as gabias correspondentes á segunda fase para as que xa se están realizando as primeiras escavacións.
A medida que avance a obra e se superen etapas iranse reabrindo algunhas zonas de aparcadoiro.
Desde o Concello solicitouse unha mellora nas luces de sinalización e apremouse á empresa para que axilice os traballos para minimizar as molestias.
Relacionadas:
-
O Concello de Marín mételle présa ás obras da Avenida de Ourense
Por Oskar Viéitez |
-
Ethel Vázquez garante que o novo colector de Marín estará listo a finais de 2019 para reforzar a depuradora de Praceres
Por Mónica Patxot & Anxo Lourido |
-
Mellorar a mobilidade e o saneamento, obxectivos das obras abertas na avenida de Ourense
Por Redacción |
-
Marín inicia as obras do colector xeral na Avenida de Ourense
Por Redacción |