A reforma urbana chegará á rúa Fernando Olmedo
Por Oskar Viéitez
O alcalde de Pontevedra, Miguel Anxo Fernández Lores, anunciou este venres que a reforma urbana chegará á rúa Pai Fernando Olmedo.
Lores visitou os "últimos retoques" das obras de reforma da rúa Cruz Vermella, agora centradas en Alvaro Cunqueiro e Irmáns Sobrino Buhigas, e compartiu con comerciantes e residentes da zona as súas impresións sobre esta actuación "que completa practicamente todo o barrio".
"Obviamente todas estas obras teñen continuidade e a próxima obra na zona será Fernando Olmedo", sinalou. Nesta rúa xa se reformou o entronque coa Seca.
"Imos completando o entramado urbano da cidade", engadiu o alcalde que amosou a súa satisfacción polo aspecto da nova praza creada na saída do centro de ensino do CEIP Vidal Portela.
A empresa que executa esta obra é Covsa por un prezo de 1.186.284 euros. Faltan por rematar as melloras da beirarrúa de Padre Gaite e a reurbanización pendente da praza da Castaña.
Relacionadas:
-
Haberá máis espazo para os peóns no cruzamento de Fernando Olmedo con Pai Gaite
Por Alejandro Espiño |
-
Piden decretar Ponte Sampaio, a PO-12 e as áreas dos ríos Fontáns e Rons como "zonas inundables"
Por Alejandro Espiño |
-
O Concello reformará en 2019 o treito central de Fernando Olmedo
Por Redacción |