Os transportistas desconvocan o paro de subministración a ENCE
Por Redacción
A Plataforma en Defensa do Transporte de Madeira por Estrada de Asturias e Galicia desconvocou o paro de subministración a ENCE.
Esta plataforma informou que acaba de chegar a un "primeiro acordo" coa empresa ENCE para iniciar entre o 15 e o 25 de xaneiro as negociacións das melloras nas condicións laborais dos transportistas de madeira nas sedes de Pontevedra e Navia.
Desde a plataforma agradeceron a todos os profesionais que secundaron o paro "o seu tesón e firmeza para alcanzar os obxectivos marcados".
Así mesmo aseguran que a partir do 15 de xaneiro, "esperamos que comece unha nova etapa na relación de ENCE cos seus provedores a fin de mellorar as condicións laborais e de seguridade reclamadas".
Relacionadas:
-
Os transportistas cifran no 90% o seguimento do paro indefinido de subministracións de madeira a ENCE
Por Oskar Viéitez |
-
Ence sinala que se rexistra entrada de madeira con normalidade malia a folga de transportistas
Por Mónica Patxot & Anxo Lourido |
-
Ence mantén o seu rexeitamento para traballar co camioneiro que agrediu a dous ciclistas
Por Redacción |