O Plan Concellos 2019 destinará 6,7 millóns de euros á comarca de Pontevedra
Por Redacción
O goberno da Deputación destinará neste novo ano 2019 á comarca de Pontevedra a través do Plan Concellos un total de 6.717.975,48 euros, o que supón un incremento do 3% con respecto ao exercicio anterior.
Ata agora, na comarca de Pontevedra os investimentos do Plan Concellos dos últimos tres anos financiaron a realización de 242 obras e infraestruturas e a creación de 497 empregos.
Neste novo ano 2019, no total da provincia, a Deputación de Pontevedra pon a disposición dos 59 municipios ao través do Plan Concellos 2019 case 43 millóns e medio de euros, o que supón un 3,3% máis que no exercicio do 2018.
A presidenta da Deputación, Carmela Silva, definiu o Plan Concellos como "o corazón dos investimentos na provincia para poñer a disposición dos concellos mais recursos que nunca na súa historia".
"O Plan Concellos é o gran plan da Deputación de Pontevedra, dixo Silva, que ten realizado un cambio radical de modelo no que os recursos se reparten con criterios obxectivos e chegan a todos os concellos sexan da cor política que sexan. Un plan que chegou fai catro anos para quedarse".