As empresas Taboada e Ramos e COVSA porán 358 lombos máis nas estradas provinciais
Por Redacción
O departamento de Mobilidade da Deputación de Pontevedra acaba de adxudicar de forma oficial a construción de dous novos lotes de redutores de velocidade do Plan de Mobilidade e Velocidade Segura 2 (MÓVESE 2) ás empresas Taboada e Ramos (que se encargará da zona norte) e Covsa (zona sur).
O deputado responsable da rede de estradas provincial, Uxío Benítez, explica que está previsto que as obras comecen no mes de febreiro, polo que se está a traballar xa no calendario de actuacións por concellos para os nove meses de prazo de execución do que dispoñen as construtoras.
O contrato para os novos "lombos" do Plan Móvese 2 establecía un orzamento inicial de 1.552.000 euros, que finalmente se reduciu ata 1.177.712,49 euros sumando os dous lotes.
Segundo explica o deputado Uxío Benítez o Plan Móvese 2 chegará nesta ocasión a 38 concellos da provincia coa instalación dun total de 358 novos elementos de calmado de tráfico que, unidos aos 638 do Plan Móvese inicial da Deputación e a todos os instalados polos gobernos municipais, sumarán un total aproximado duns 3.000 na provincia.
Relacionadas:
-
Uxío Benítez propón exportar aos países latinos o Plan Móvese
Por Redacción |
-
A Deputación instalará 88 novos redutores de velocidade nas estradas provinciais do Salnés
Por Oskar Viéitez |
-
A Deputación destina un millón e medio de euros á construción dos novos lombos e redutores de velocidade
Por Redacción |