As obras da senda entre Major e Portonovo comezarán esta primavera
Por Oskar Viéitez
A conselleira de Infraestruturas e Mobilidade, Ethel Vázquez, salientou este mércores en Sanxenxo a transformación que se está a levar a cabo na estrada PO-308, cun investimento superior aos 15 millóns de euros.
Segundo a conselleira a vía que comunica Pontevedra e A Lanzada será "unha estrada máis segura, máis útil para todos os usuarios e tamén máis humana "
Vázquez Mourelle fixo estas declaracións coincidindo coa presentación do proxecto de itinerario peonil e ciclista na estrada PO-308, entre Major e Portonovo que, cun investimento de arredor de 3,4 millóns de euros, comezará a executarse esta primavera para estar a disposición dos veciños e turistas antes do verán de 2020.
Ethel Vázquez destacou que nesta intervención executaranse tamén actuacións complementarias que redunden en maior seguridade viaria.
A conselleira indicou que a nova senda, xunto ás existentes entre A Lanzada e Major, dotan aos veciños e turistas de máis de 11 quilómetros de itinerarios seguros, cun investimento superior aos 7,5 millóns de euros.
Finalmente a conselleira adiantou a próxima licitación da contratación da iluminación dos treitos da PO-308, comprendidos entre Soutullo e Portonovo, que prevé a colocación de 290 luminarias led e un investimento próximo aos 600.000 euros.
Relacionadas:
-
Adxudicados os farois na PO-308 entre Soutullo e Portonovo
Por Redacción |
-
O PP recolle suxestións para mellorar as sendas da PO-308
Por Oskar Viéitez |
-
Adxudican por 1,2 millóns de euros a mellora da seguridade viaria noutro tramo da PO-308
Por Redacción |
-
A Xunta dá un novo paso para mellorar a estrada entre Covelo e o Miradoiro da Granxa en Poio, foco de accidentes
Por Redacción |