Seis coches e un camión baten en cadea tras cruzar un xabaril pola AP-9
Por Redacción
Tres persoas resultaron feridas nun accidente de tráfico na autoestrada AP-9, ao seu paso polo municipio de Portas, tras cruzarse un xabaril no seu camiño.
Segundo informou o 112 Galicia, o accidente produciuse sobre as oito da tarde do domingo e nel víronse implicados seis coches e un camión que chocaron en cadea.
Os feridos foron trasladados ao Hospital do Salnés.
O sinistro tivo lugar en sentido norte cara Santiago de Compostela, no quilómetro 113 da autoestrada AP-9.
Ata ese punto acudiron efectivos do 061 e diferentes patrullas das forzas da orde para atender os afectados e alertar o resto de usuarios da autoestrada.