Cambados chora ás vítimas do "Sin Querer Dos"
Por Oskar Viéitez
A localidade de Cambados chora este xoves aos seus veciños Manuel Serén, Bernardino Padín, Teófilo Rodríguez e Guillermo Casais, os catro mariñeiros tripulantes do "Sin Querer Dos" que perderon a súa vida este mércores no naufraxio do cerqueiro.
Ao mediodía tivo lugar unha concentración multitudinaria ante a Casa Consistorial de Cambados na súa memoria.
A alcaldesa, Fátima Abal, informou que se instalará unha capela ardente no pavillón do Pombal, que estará aberta a partir das cinco desta tarde. O venres o arcebispo de Santiago, Julián Barrio, oficiará unha misa neste pavillón ás catro da tarde, aínda que esta previsión está supeditada a apareza o corpo de Guillermo Casais.
Sobre as causas do afundimento do barco, o delegado do Goberno en Galicia, Javier Losada, informou que os sobreviventes apuntaron a dous golpes de mar consecutivos. O primeiro desprazou as redes que se engancharon nas hélices detendo a embarcación, o segundo golpe de mar provocou o seu envorco.
Respecto ao estado de saúde dos sobrevivientes, os catro de Cambados e de Portonovo recibiron o alta hospitalaria, mentres que os dous senegaleses seguen en observación no Hospital de Cee.
Relacionadas:
-
Os sobreviventes do 'Sin Querer 2' e a armadora: cara a cara no xulgado polos despedimentos tras o naufraxio
Por Natalia Puga & Cristina Saiz |
-
Localizan os restos do 'Sin Querer Dos' dez días despois do naufraxio
Por Redacción |
-
Tres mariñeiros falecidos no naufraxio do barco "Sin Querer Dos" de Portonovo
Por Oskar Viéitez | Creada e actualizada