O Porto renova o pavimento dos pantaláns deportivos
Por Redacción
A Autoridade Portuaria acometeu a renovación do pavimento dos pantaláns da dársena deportiva na contorna da Praza de España.
A empresa Alfer Metal foi a encargada de substituír o piso de madeira por outro de grella granulada antiescorregadiza que ofrece máis durabilidade e é menos sensible á deterioración que as anteriores táboas.
Este sistema de grella xa se probou con éxito na dársena de embarcacións de baixura no interior do porto.
O cambio de pavimento realizouse tanto nos pantaláns de pesca deportiva como nas pasarelas de acceso aos mesmos.