Fomento contempla dúas alternativas para o tramo A Ermida-Pilarteiros da autovía A-57
Por Redacción
Dous trazados diferentes. Son as alternativas que baralla o Ministerio de Fomento para o segundo tramo da autovía A-57, que unirá os lugares da Ermida (Marcón) e Pilarteiros (Xeve), no municipio de Pontevedra.
O Boletín Oficial do Estado, tras a publicación do documento técnico este xoves, somete a información pública o proxecto e o seu estudo de impacto ambiental.
O documento contempla, ademais da alternativa seleccionada no estudo informativo, unha alternativa máis exterior, atendendo así as peticións de varias entidades locais.
Dada a viabilidade de ambas as alternativas, Fomento recolle o trazado de cada unha no procedemento de información pública.
A lonxitude da alternativa 1 é de 5.04 quilómetros cun orzamento, IVE incluído, de 100.15 millóns de euros e a lonxitude da alternativa 2 é de 6.35 quilómetros cun orzamento, IVE incluído, de 124.21 millóns de euros.
Ambas as alternativas contan con sección de autovía, ligazóns nos puntos de orixe e final do trazado, así como unha ligazón intermedia coa estrada N-541 e un viaduto singular para salvar o río Lérez.
ESTADO DA A-57
A autovía A-57, actualmente, ten en execución as obras do tramo Vilaboa- A Ermida, cun custo de 59.4 millóns. Pola súa banda, xunto ao tramo que agora se somete agora a información pública entre Ermida e Pilarteiros, o trazado complétase co tramo Pilarteiros - Barro e a conexión coa AP-9 en Curro, cuxo estudo informativo foi aprobado o pasado mes de xullo.
Relacionadas:
-
O PP esixe un trazado "menos lesivo" para o paso da A-57 por Xeve e Bora
Por Alejandro Espiño |
-
Hifas da Terra, 'ameazada' pola A-57: "A autovía destrózanos. Sería inviable seguir en Galicia"
Por Alejandro Espiño & Mónica Patxot |
-
O Estado reserva 28 millóns para a A-57 e o paseo a Marín e 'esquece' o nó de Bombeiros
Por Alejandro Espiño |
-
O Concello aposta pola Alternativa 1 para o segundo tramo da A-57, entre A Ermida e Pilarteiros
Por Redacción |
-
Pilar Rojo esixe a Fomento un trazado alternativo para a autovía A-57 no tramo Ermida-Pilarteiros
Por Redacción |
-
Vaipolorío denuncia as escorrentías causadas polas obras da A-57
Por Oskar Viéitez |
-
Barro e Pontevedra piden a Fomento cambiar o trazado do último treito da A-57
Por Alejandro Espiño |