Covsa construirá a senda entre Vilaseca e Lapamán
Por Redacción
A Xunta vén de adxudicar á empresa construtora Covsa por máis de 575.000 euros as obras de construción da senda peonil entre Vilaseca e Lapamán, en Marín.
O pago das actas de ocupación terá lugar neste mesmo mes de decembro, coa vista posta en iniciar as obras no primeiro mes do ano 2019.
Trátase dunha senda para o uso de peóns e ciclistas non deportivos na marxe dereita da estrada PO-551, entre o punto quilométrico 6+260 e o límite municipal co Concello de Bueu, na parroquia de Ardán.
O itinerario terá aproximadamente 1.450 metros de lonxitude e proxéctase en formigón coloreado cun ancho tipo de 2 metros, aínda que nalgún punto será lixeiramente menor pola presenza de edificacións próximas á calzada.
A estrada cruza un pequeno rego, polo que neste tramo proxéctase unha pasarela de madeira adosada ao pontón existente para garantir a continuidade do itinerario peonil.
Esta actuación, cofinanciada con axuda europea, está enmarcada no Plan de Sendas na comarca do Morrazo que prevé a construción de oito sendas sostibles, seguras e integradas na paisaxe.
Relacionadas:
-
A Comunidade de Montes de Ardán pide melloras na Casa da Cultura
Por Redacción |
-
COVSA inicia as obras da senda de Vilaseca a Lapaman
Por Redacción |
-
Trasladan ao goberno local as queixas da veciñanza de Ardán polo pintado da PO-551
Por Oskar Viéitez |
-
Convocados os propietarios de leiras afectadas para o pago de expropiacións en Marín, Poio e Sanxenxo
Por Redacción |
-
A Xunta cita aos afectados polas obras da senda entre Vilaseca e Lapamán
Por Redacción |
-
A veciñanza traslada as súas suxestións sobre a senda de Lapamán á conselleira Ethel Vázquez
Por Oskar Viéitez & Mónica Patxot |
-
Publican as expropiacións para facer da senda peonil entre Vilaseca e Lapamán
Por Oskar Viéitez |