Sete estudantes de 4º curso de ESO, todas mozas, quixeron compartir charla na proposta que fixo PontevedraViva Radio: intercambiar impresións tras acudiar á representación teatral de 'Invisibles'.
A compañía Redrum Teatro puxo en escena esta adaptación do libro do mesmo nome, escrito pola xornalista arousá Montse Fajardo. Recompila a historia de sete mulleres que foron vítimas dos malos tratos.
Carolina Ferro Rumoroso, Cristina Sanz Acuña, Carla Gutiérrez Arias, Carmen Castro Tejeiro, Romina Cerdeira Cortizo, Silvia Martín Blanco e Lucía Piña Moreira recolleron a proposta que lles facía o centro e acudiron ao Teatro Principal para ver esta función teatral.
Todas saíron impresionadas coas sete historias que coñeceran. Cóntannos ademais como ven e como reaccionan ante posibles actitudes machistas, ou se permiten situacións de control cara a elas ou na súa contorna .